Veðurstofan á Vísindavöku
Ofureldstöð í Háskólabíói?
Veðurstofan verður á vísindavöku og kynnir verkefnið "íslenska ofureldstöðin". Það eru rannsóknir og kortlagning eldfjallavár, styrktar af erlendum rannsóknarsjóðum og unnið í samvinnu við Jarðvísindastofnun háskólans – grunnur fyrir heildar áhættumat vegna eldgosa á Íslandi. Veðurstofan sýnir líka niðurstöður mælinga íslenskra jökla með leysigeisla úr flugvél.
![](/media/vedurstofan/small/visindavaka-logo.jpg)
Mælakerfi Veðurstofunnar er það sem gagnasöfnun og upplýsingar vísindamanna grundvallast á. Þetta eru veðurmælastöðvar, jarðmælar, vatnamælar, landmælingatæki og ratsjár ýmis konar. Á vökunni verður hægt að kynnast því, sjá hvaða mælar eru hvar, hvernig þeir líta út og hvaða upplýsingar koma frá þeim.
Veðurstofan verður á Vísindavöku Rannís í Háskólabíói föstudaginn 28. september kl. 17-22.