Skjálftavirkni 30. janúar - 5. febrúar, vika 5, 2023
260 jarðskjálftar mældust með SIL mælakerfi Veðurstofu Íslands í liðinni viku, aðeins fleiri en í vikunni á undan þegar um 230 skjálftar mældust. Virknin í liðinni viku svipar mjög til þeirra á undan. Tveir skjálftar mældust yfirþremur að stærð en þeir voru báðir staðsettir langt úti á Reykjaneshrygg. Um tugur jarðskjálfta mældist í Mýrdalsjökli sem og í Bárðarbungu en stærsti skjálfti vikunnar á meginlandinu varð einmitt í Bárðarbungu. Hann mældist þann 5.febrúar kl 23:15 og reyndist hann 2.8 að stærð.
Nánar má skoða yfirfarna skjálfta í Skjálfta-Lísu vefsjánni
Suðurland
Rúmlega 20 skjálftar mældust á Suðurlandi sem er örlítið færri en í vikunni á undan. Sex skjálftar mældust á Hengilsvæðinu, stærsti skjálftinn var 2.5 að stærð þann 31.janúar. Aðrir skjálftar dreifðust um suðurlandsbrotabeltið. Einn smáskjálfti mældist um 1 km vestur af Heklu.
Reykjanesskagi
Um 35 skjálftar mældust á Reykjanesskaga í vikunni, sem er örlítið færri en í síðustu viku. Skjálftarnir voru dreifðir um skagann og stærsti skjálftinn var 2,1 um 4 km vestur af Kleifarvatni.
Tólf skjálftar mældust á Reykjaneshrygg í vikunni, tveir skjálftar mældust yfir 3 að stærð. Báðir mældust þann 30.janúar og voru þeir 3.2 að stærð.
Norðurland
Um 80 skjálftar mældust á Tjörnesbrotabeltinu sem er heldur fleiri en í vikunni á undan, sá stærsti 1.8 að stærð. Mesta virknin var á Grímseyjarbeltinu eða um 65 skjálftar. Um 10 skjálftar mældust á Húsavíkur-Flateyjarmisgenginu. Sex smáskjálftar mældust við Bæjarfjall og sjö á Kröflusvæðinu.
Hálendið
Um 85 skjálftar mældust á hálendinu í liðinni viku sem er aðeins fleiri en í vikunni á undan. Tæplega 40 skjálftar mældust undir Vatnajökli. Tólf skjálftar mældust í Bárðarbungu, stærsti var 2,5 að stærð norðan öskjunnar. Tveir smáskjálftar mældust á djúpasvæðinu og þrír við Skeiðarárkatlana. Sjö skjálftar mældust í Grímsvötnum. Stærsti skjálftinn var 1.5 að stærð rétt norður af Grímsfjalli. Þrír smáskjálftar mældust við Kjósárbont við Skeiðarárjökul. Tveir smáskjálftar mældust undir Öræfajökuli.
Tæplega 15 skjálftar mældust við Öskju, allir undir 2 að stærð. Rúmlega 20 skjálftar mældust við Herðubreið. Stærsti skjálftinn mældist um 2.5 km norðaustur af Herðubreið og reyndist 2 að stærð. Einn skjálfti mældist við Austurháls.
Mýrdalsjökull
Um tugur skjálfta mældust í Mýrdalsjökli sem er heldur færri en í vikunni á undan þegar um 30 skjálftar mældust. Flestir mælast innan öskjunnar og reyndist stærsti skjálftinn 2.7 að stærð þann 3.febrúar. Einn skjálfti mældist á Torfajökulssvæðinu en hann reyndist 1.9 að stærð.
