Jarðskjálftayfirlit viku 35, 26. ágúst – 1. september 2024
Reykjanesskagi og Reykjaneshryggur
Á Reykjanesskaga mældust rúmlega 300 skjálftar þessa vikuna meira en helmingi færri en í fyrri viku en þá hófst eldgos NA við Stóra-Skógfell, sem stendur enn, og féll skjálftavirknin eftir að gos hófst. Mest var virknin í og við kvikuganginn við Sundhnúksgígaröðina eins og í vikunni á undan, en talsverð virkni var einnig í Brennisteinsfjöllum austan Kleifarvatns í smáskjálftahrinu þann 26. ágúst sl. Einnig var áfram nokkur virkni í Fagradalsfjalli og vestan Kleifarvatns. Á Reykjaneshrygg var mjög rólegt en einunigs 4 skjálftar mældust, stæsti 2,2 að stærð þann 31. ágúst við Eldey.
Suðurlandsbrotabeltið og Hengilssvæðið
Á
Suðurlandsbrotabeltinu mældust tæplega
20
skjálftar
á víð og dreif um svæðið, svipað
og í fyrri viku.
Rúmlega
20
skjálftar mældust á Hengilsvæðinu, en
í síðustu viku mældust um tíu
skjálftar,
Mesta
virknin var við
Ölkelduháls vestan
Reykjadals og þar mældist stærsti skjálftinn 2,2 að stærð þann
30. ágúst sl.
Sex
skjálfta mældust í og við Heklu en enginn í fyrri viku.
Vesturgosbeltið og Mið-Íslandsgosbeltið
Sex skjálftar mældust við Sandfell norðan Skjaldbreiðar í vikunni sem leið, allir undir 2 að stærð og tveir við Hofsjökul. Einnig mældist fimm skjálftar austan Grjótárvatns þann 30. ágúst og mældust þrír þeirra yfir 2 að stærð. Eru það umtalsvert færri skjálftar en í fyrri viku þegar um 20 skjálftar mældust.
Mýrdalsjökull
og Torfajökulssvæði
Rúmlega 10 skjálftar mældust, allir undir tveimur að stærð og flestir dreifðir um öskjuna. Nokkuð fleiri en í fyrri viku. Á Torfajökulsvæðinu var mjög rólegt, en einungis 2 skjálftar mældust þar.
Vatnajökull
Í Vatnajökli var nokkuð meiri virkni þessa vikuna, tæplega 100 skjálftar mældust og var um helmingur þeirra við Bárðarbungu, allir skjálftar undir 3 að stærð. Hrina hófst 29. ágúst á djúpa svæðinu austan Bárðarbungu en það mældust alls um 25 skjálftar og voru allir undir 1,5 að stærð Einnig mældust átta skjálftar í og við Grímsvötn og nokkrir skjálftar mældust við Skaftárkatla á svokölluðum Lokahrygg, allir undir 1,5 að stærð. Tveir skjálftar mældust í öskju Öræfajökuls.
Norðurgosbeltið
Askja og Herðubreið
Við Öskju mældust tæplega 30 skjálftar í vikunni sem leið, sá stærsti mældist 2,5 að stærð. Rúmlega 30 skjálftar mældust í og við Herðubreið og Herðubreiðartögl. Er þetta meiri heildarfjöldi skjálfta og í fyrri viku og munar þar mestu um að fleiri skjálftar mældust við Herðubreið nú en í fyrri viku.
Krafla og Þeistareykir
Rólegt
var á svæðinu í vikunni, 5
skjálftar mældust við Kröflu og 2
við
Bæjarfjall og
enginn
í Kelduhverfi, allir
um
eða undir 1,5
að stærð. Er
það mjög svipuð virkni og í fyrri viku.
Tjörnesbrotabeltið
Örlítið
meiri virkni var á Tjörnesbrotabeltinu samanborið við fyrri viku
en nú mældust 40
skjálftar
samanborið við tæplega
30
í fyrri viku. Virkni
var nokkuð dreifð um beltið síðastliðna viku en
nokkur virkni var rétt austan Flateyjar á Skjálfanda en
einnig
var nokkur virkni austan Grímseyjar og við Gjögurtá sem
og
í Eyjafjarðarál. Í
Öxarfirði
mældust 5
skjálftar, allir undir 1
að stærð. Einn
skjálfti mældist á Kolbeinseyjarhrygg sem mældist 2,6 að stærð.
