Jarðskjálftayfirlit viku 1, 1. – 7. Janúar 2024
Reykjanesskagi og Reykjaneshryggur
Ríflega
2450 mældust á Rekjanesskaga í vikunni, þar af stærsti skjálfti
vikunnar, 4,2 að stærð og um 1100 í eftirskjálftahrinu við
Trölladyngju. Um 250 skjálftar mældust við Fagradalsfjall og 900
skjálftar í kvikuganginum norðan við Grindavík. Einungis um 500
skjálftar hafa verið yfirfarnir.
Um
5 skjálftar mældust úti á hrygg.
Suðurlandsbrotabeltið og Hengilssvæðið
Á Hengilssvæðinu var nokkuð eðlileg virkni, helst ber að nefna skjálfta í Grænadal af stærð 2,9 kl 2:47 aðfaranótt 2. janúar sem nokkrir fundu í Hveragerði. Skjálftavirkni á Suðurlandsbrotabeltinu var heldur ekki mjög fréttnæm, 30 skjálftar, allir litlir og mjög dreifðir.
Vesturgosbeltið og Mið-Íslandsgosbeltið
6 skjálftar mældust sunnan við Langjökul, einn ofan við Skagafjörð og einn suður af Hofsjökli
Austurgosbeltið
Mýrdalsjökull
og Torfajökulssvæði
Í
Mýrdalsjökli
var nokkuð svipuð virkni og síðustu vikur, 16 skjálftar, stærsti
2,5 að stærð.
Sama má segja um Torfajökulssvæðið, 4
skjálftar þar af stærstur 1,8 að stærð.
Vatnajökull
Í Vatnajökli mældust rúmlega 50 skjálftar og var virknin nokkuð dreifð. Um 20 skjálftar voru í Grímsvötnum, sem er eins og í síðustu viku, en 7 af þeim komu á innan við klukkustund 4. janúar. 5 skjálftar mældust við Vött, 10 skjálftar mældust í Bárðarbungu. Restin dreyfðist nokkuð um jökulinn, þar af einn í Esjufjöllum og tveir í Öræfajökli.
Norðurgosbeltið
Askja og Herðubreið
Um 50 smáskjálftar á þessu svæði, þar af 20 við Öskju.
Krafla og Þeistareykir
15 skjálftar, flestir við Kröflu.
Tjörnesbrotabeltið
4 skjálftar á Tröllaskaga, þar af 3 í Héðinsfirði. 4 skjálftar á Kolbeinseyjarhrygg.
Alls um 80 skjálftar samanlagt á Grímseyjarbrotabeltinu og Húsavíkur-Flateyjarmisgenginu, flestir í hrinu 10km NNA af Grímsey sem hófst skömmu fyrir miðnætti 7. janúar.
