Jarðskjálftayfirlit 49. viku 4. – 11. Desember 2023
Reykjanesskagi og Reykjaneshryggur
Ríflega 2200 skjálftar mældust á Reykjanesskaga í vikunni, þar af eru um 500 yfirfarnir. Flestir skjálftarir eru staðsettir við kvikuganginn sem myndaðist 10. nóvember nærri Grindavík. Skjálftavirknin við Kvikuganginn hefur haldist nokkuð jöfn í vikunni, þó með smá sveiflum milli daga og var aðeins meiri í upphafi og lok vikunnar en um miðja viku. Hafa ber þó í huga að næmni SIL kerfisins á smáskjálfta minnkar með auknum vindstyrk.
Önnur jarðskjálftavirkni á Reykjanesskaga var mest við Trölladyngju , en einnig var nokkur virkni í Brennisteinsfjöllum og Bláfjöllum.
Á Reykjaneshrygg mældust um 10 skjálftar og var þar stærsti skjálfti vikunnar 9. desember, 3,8 að stærð.
Önnur svæði
Önnur
virkni á landinu verður hér dregin saman í stuttu máli.
Nokkur
virkni var í vikunni í Henglinum og nálægum svæðum og mældust
um 122 skjálftar, þar af hafa 82 verið yfirfarnir.
Flestir voru staðsettir í Svínahrauni rétt vestan við Húsmúla.
Nokkuð eðlileg bakgrunnsvirkni var á flestum öðrum virknum svæðum á landinu. (sjá nánar á jarðskjálftavefsjánni Skjálfta Lísa. )
