Jarðskjálftayfirlit 39. viku 25. september - 1. október 2023
Tæplega 1900 jarðskjálftar mældust með SIL mælakerfi Veðurstofu Íslands í vikunni sem leið, þar af hafa um 770 verið handvirkt yfirfarnir. Þetta er nokkuð meira en frá síðustu viku þegar um 1260 skjálftar mældust.
Jarðskjálftavirknin var vel dreifð um virkustu svæðin og má þar m.a. nefna Reykjanesskaga og Reykjaneshrygg, Skjaldbreið, Mýrdalsjökul, vestanverðan Vatnajökul og Grímseyjarbrotarbeltið.
Stærsti skjálfti vikunnar mældist við Reykjanesvirkjun, 3,6 að stærð þann 27. september sl. en á því svæði mældust 8 skjálftar yfir 3,0 að stærð.
Nánar
má skoða skjálftavirkni hér: Skjálfta
Lísa
Reykjanesskagi og Reykjaneshryggur.
Um 1500 skjálftar mældust samanlagt á Reykjanesskaga og Reykjaneshrygg og hafa rúmlega 500 verið yfirfarnir. Skjálftarnir skiptust upp í nokkrar þyrpingar, við Geitafell, Fagradalsfjall, Keili, Sandfellshæð og úti fyrir Reykjanestá. Nokkrir skjálftar mældust einnig við Brennisteinsfjöll. Stæsti skjálfti vikunnar mældist við Reykjanesvirkjun, 3,6 að stærð 27. september en 8 skjálftar yfir 3,0 að stærð voru á þessu svæði.
Vesturgosbeltið og Hofsjökull
Í Henglinum mældust 24 skjálftar, sá stærsti 1,6 að stærð en aðrir voru smáir. Flestir skjálftarnir voru í Húsmúla. Skjálftavirkni hélt áfram SA af Skjaldbreið, við Skriðuhnjúk, en um 50 skjálftar mældust þar í vikunni sem er mun minna en í síðustu viku. Fjórir skjálftar mældust í skjálftar mældust í Hofsjökli, sá stæsti 2,1 að stærð og fjórir litlir skjálftar mældust í Langjökli vestan við Þursaborg.
Suðurlandsbrotabeltið
Fáir skjálftar mældust á Suðurlandsbrotabeltinu og voru þeir á víð og dreif.
Austurgosbeltið
Hekla
Tveir
smáskjálftar mældust
í Heklu í vikunni.
Mýrdalsjökull
og
Torfajökulssvæði.
Um
20 skjálftar
eru yfirfarnir Mýrdalsjökli
og nágrenni
í vikunni og
var sá stæsti 2,3 að stærð í
Kötluöskjunni.
Auk
þess greindist fjöldi annarra „skjálfta“
í sjálfvirka kerfinu
en fæstir
þeirra eru raunverulegir skjálftar. Flestir
skjálftarnir voru staðsettir í Kötluöskjunni.
Á
Torfajökulssvæðinu
mældust fimm
smáskjálftar.
Vatnajökull.
Í
Vatnajökli mældust tæplega
50
skjálftar,
aðallega
í
Grímsfjöllum og í Bárðarbungu.
Í Bárðarbungu mældust 27
skjálftar og mældist
sá stærsti 2,8
að stærð. Í
Grímsfjalli
mældust
14
skjálftar, sá
stærsti 2,3
að stærð þann 1.
október
kl. 04:06:41.
Norðurgosbeltið
Askja og Herðubreið
Við Öskju mældust 11 skjálftar. Stærsti skjálftinn mældist 1,1 að stærð austantil í öskjunni. Um 10 skjálftar mældust við Herðubreið og Herðubreiðartögl, mun minna en í fyrri viku og mældist sá stærsti 1,2 að stærð.
Krafla og Þeistareykir
Sjö skjálftar mældust við Kröflu og nágrenni, 3 í Búrfellshrauni og 14 við Bæjarfjall, sá stærsti 2,9 að stærð.
Tjörnesbrotabeltið
Á Tjörnesbrotabeltinu mældust tæplega 50 skjálftar í vikunni, örlítið færri en í fyrri viku. Flestir mældust skjálftarnir á Grímseyjarbrotabeltinu en einnig var nokkur virkni í Öxarfirði og einn skjálfti af stærð 2,4 varð NV af Siglufirði. Stæsti skjálftinn mældist 2,6 að stærð SA af Grímsey. Fjórir skjálftar mældust úti á Kolbeinseyjahrygg 1. október.
