Hafís í janúar 2006

Athugið að myndin stækkar ef smellt er á hana.

Landhelgisgæslan fór fjórum sinnum í ísflug þennan mánuðinn þ. 3., 10., 20. og 31.

Þ. 10. sást bæði haf- og borgarís u.þ.b. 80 sml. NV af Barða og Bjargtöngum.
Þ. 20. hafði ísinn færst nær landi og var nú næst landi 49 sml. NV af Straumnesi og 60 sml. NV af Deild. Þetta var þéttur ís eða 7-10/10.

Þ. 31. hafði ísinn þokast enn nær landi og var næst 40 sml. N af Horni. Þéttleikinn var svipaður og þann 10.
Nokkrar tilkynningar bárust af hafís frá skipum og var sá ís á svipuðum slóðum og ísinn sem Landhelgisgæslan tilkynnti í mánuðinum.
Fyrstu viku janúar var borgarísjaki austanvert við mynni Eyjafjarðar.

Norðaustan- og suðvestanátt voru nokkuð jafnt í Grænlandssundi í janúar.