Hafís í október 2002
Athugið að myndin stækkar ef smellt er á hana.
Landhelgisgæslan fór ekki í ísflug í þessum mánuði.
Engar tilkynningar bárust um hafís enda allur hafís víðsfjærri. Hins vegar bárust nokkrar tilkynningar um borgarís.
Fyrstu viku mánaðarins var tilkynnt um nokkra borgarísjaka á Húnaflóa. Voru þeir bæði á miðjum flóanum og nálægt Ströndum. Auk þess var tilkynnt um nokkra borgarísjaka fjær landi.
Næstu tvær vikur á eftir bárust engar tilkyningar en þ. 21. var stór borgarísjaki vestur af Vestfjörðum.
Ekki var um frekari tilkynningar að ræða.
Norðaustanátt var ríkjandi í Grænlandssundi í október.
