Hafís í september 2002
Athugið að myndin stækkar ef smellt er á hana.
Landhelgisgæslan fór ekki í ísflug í september þar sem enginn hafís var í Grænlandssundi og bárust því engar tilkynningar um hann.
Allnokkuð var um borgarísfregnir og dreifðust þær yfir allan mánuðinn. Flestar tilkynningar voru af Húnaflóa.
Þ. 10. var lítill borgarísjaki u.þ.b. 8 sml. ANA af Munaðarnesi á Ströndum og þ. 13. var annar u.þ.b. 3 sml. V af Kálfshamarsvík og var hann þar enn þ. 16.
Aðrir voru heldur fjær landi.
Norðaustanátt var tíðust í Grænlandssundi í september.
