Hafís í janúar 2001
Athugið að myndin stækkar ef smellt er á hana.
Landhelgisgæslan fór fjórum sinnum í ískönnunarflug út af Vestfjörðum í janúar, þ. 2., 18., 22. og 24.
Þ. 2. var ísinn næst landi 40 sml. NV frá Deild, 49 sml. NV af Kópanesi og 60 sml. NV af Blakknesi. Þéttleiki íssins var 4-6/10 syðst en minni norðar.
Þ. 18. var ísinn næst landi 44 sml. NV af Straumnesi. Þéttleiki hans var 7-9/10. Nýmyndun var auk þess meðfram röndinni.
Þ. 22. var ísinn næst landi 40 sml. NV af Straumnesi og 10/10 að þéttleika.
Þ. 24. hafði ísinn heldur fjarlægst og var næst landi 65 sml. NV af Barða. Þéttleiki var 7-9/10 og ísdreifar við brúnina.
Engar tilkynningar bárust um borgarís.
Norðaustanátt var ríkjandi í Grænlandssundi í janúar.
