Hátíðarveðrið í rúm 60 ár
Hvernig væri að rifja upp jólaveðrið aftur í tímann?
Á einföldum Íslandskortum, sem sýna veðrið á hádegi, er hægt að sjá í einföldum dráttum hvernig veðrið var á jóladag allt frá árinu 1949.
Til þess að veita yfirsýn eru mest 10 kort sýnd á hverri skjámynd, t.d. 2001-2010. Hægt er að flakka fram og aftur í tíma ef smellt er á - 10 ár eða + 10 ár efst í vinstra horni.
Svo er hægt að sjá hvernig veðrið var klukkan sex á aðfangadagskvöld eða á miðnætti á gamlárskvöld eins langt aftur og óskað er (nota +/- 10 ár).
Fleiri merkisdaga má velja úr lista fyrir ofan almanak ársins eða skrifa inn dagsetningu að eigin vali.
Fjallað um jólaveðrið
Lesa má um snjóhulu og snjódýpt að morgni jóladags í Reykjavík á árunum 1921 - 2008 og í fróðleiksgrein má lesa um jólasnjó í Reykjavík frá 1875 - 1920.
